PROXECTO: OS SERES VIVOS

Vamos a empezar traballando un bloque de Ciencias da Natureza que sempre gusta moito a tódolos nen@s: "Os seres vivos", concretamente centrarémonos nos animais e nas plantas, tal y como consta no currículo deste curso.

O proxecto está programado cunha duración de 5 semanas, polo tanto, durará ata finais de outubro.

Neste proxecto estudaremos:

- Diferenza entre seres vivos e inertes.

- Identificación de animais e plantas como seres vivos. Funcións vitais: nutrición, relación e reprodución.

- Os animais vertebrados: mamíferos, aves, réptiles, peixes, anfibios. Características.

- Os animais invertebrados: insectos, arácnidos, crustáceos, esponxas, medusas, equinodermos, vermes, moluscos. Características.

- As plantas: partes das plantas. Funcións vitais das plantas.

- Clasificación das plantas: herbas, arbustos, árbores.

- Guías de animais e plantas para a clasificación e identificación dalgunhas especies existentes en Galicia.

- Biodiversidade e interese pola súa conservación

Os alumnos/as poden traer a aula todo tipo de material (libros, debuxos, revistas, vídeos, imaxes, maquetas, figuras de animais, manualidades...) que as familias estimedes oportuno. Todos os materiais serán devoltos cando finalice o proxecto. Asimesmo, se algún pai ou nai é especialista ou lle gusta algunha temática relacionada co proxecto pode vir a aula e darnos unha charla ou exposición ou facer un taller.

A colaboración das familias é importantísima. Non se trata soamente de ensinar contidos, senón de que os nenos/as sintan interese por aprender e que eles mesmos investiguen e sexan os protagonistas do seu propio aprendizaxe.